Че Гевара
| Эрнесто Че Гевара | |
|---|---|
 | |
| Ажал үйлэ: | хирург, хубисхалша |
| Түрэһэн үдэр: | 1928 оной июниин 14[1][2][…] |
| Түрэһэн газар: | Росарио, Аргентинэ |
| Эрхэтэнэй харьяалал: | |
| Наһа бараһан үдэр: | 1967 оной октябриин 9[1][4][…] (39 наһатай) |
| Наһа бараһан газар: | Ла-Игера, Боливи |
| Ажал хэһэн саг: | Хүйтэн дайн |
| Гарай үзэг: |
 |
.svg){kind=small}
Эрнесто Гевара (испан хэлэн Dr. Ernesto Guevara) (1928 оной июниин 14 – 1967 оной октябриин 9), Че Гевара (Che Guevara) гү, али эль Че (el Che) гү, али зүгээр Че (Che) нэрээр алдаршаһан, Аргентинэдэ түрэһэн, марксис үзэлтэй, зүүные бариматлагша хубисхалша, Кубын коммунис дэглэмэй ударидагша, эмшэ мэргэжэлтэй, улас түрын зүдхэлтэн байба.
Урда Америкын хубисхалша, улас түрын лидер хүн байһан ба капитализм, коммунизмын али алиһаань зүб талануудыень абажа хэрэглэһэнээр 1960 аад оной шэнэ зүүнэй радикалис үзэлтэнүүдэй баатар болоһон юм. Тэрэ Аргентинын Росарио хотодо дунда зэргээй гаралтай гэр бүлэдэ түрэһэн ба 1953 ондо Буэнос Айресай ехэ һургуулиие эмшын мэргэжэлээр дүүргэбэ.
1954 ондо Мексика ябажа Кубын сүлэгдэһэн хубисхалша Фидель Кастротой нэгэдэжэ Урда Америкын ниигэмэй шударга буса байдалые сэрэгэй эргэлтээр эмшэлнэ гэдэгтэ этигэн ябаа. 1950 оной һүүлээр Кубын дарангылагша Фулгэнсио Батистада эсэргүү Кастрогой партизанай дайнда (1956-1959) тэрэ гол үүргэ гүйсэдхэжэ оролсобо. Кастро 1959 ондо түрын эрхэ мэдэлые абаад Геварае үйлэдэбэри худалдаанай сайдта (1961-1965) дэбшүүлээ. АНУ-ай нүлөөлэлэй талаар хүсэтэй шүүмжэлэгшэ байһанаар гурбадахи юртэмсэ гэжэ дуудагдаха боложо мүн тэрэ Кастрогой дэглэмдэ нүлөөлэн АНУ-ай зүгһөө коммунис улас гэжэ эдэй засагай хориг арга хэмжээ абахад хүргэбэ.
Хубисхалай галые дэлхэйн үнсэгэ булан бүридэ асаажа, хүн түрэлхитэндэ һайн һайханые асарха мүрөөдэлдөө хүтэлэгдэжэ Бүгэдэ Найрамдаха Арадшалһан Конго Уласта ошоһоншье сэрэгүүдэйнь хүсэл эрмэлзэл бага байһанда урамынь хугарша бусажа Кубада ошоод, Кастротой зүблэлдэжэ, шэнээр хубисхал хэхэ газараараа Боливи уласые һунгаба. Боливида үмэнэнь хубисхал гараһаншье дарангылагша дэглэмэй гарта ороһон байгаа. Гэбэшье Боливиин Коммунис Намай дэмжэлгые хүлеэгээгүй, мухардмал байдалда орожо, хүндэ хэсүү партизанай дайн хэһээр 1967 оной 10 һарын 8-нда Боливиин засагай газарай сэрэгүүдтэ алагдаба.
Наһа бараһанайхаа дараа гурбадагша юртэмсын оронуудай хубида баатарай хэмжээндэ хүндэлэгдэжэ, домог болон дуугарагдаха болоһон бэлэй.
- ↑ 1 2 Ernesto Che Guevara (нидерл.)
- ↑ Ernesto Ché Guevara // filmportal.de — 2005.
- ↑ Te odio (исп.) — 2018. — P. 11. — ISBN 978-950-556-730-0
- ↑ Itaú Cultural Che Guevara // Enciclopédia Itaú Cultural (порт.) — São Paulo: Itaú Cultural, 2001. — ISBN 978-85-7979-060-7