Хүгжэмэй Уласхоорондын үдэр
| Хүгжэмэй Уласхоорондын үдэр | |
|---|---|
,_1745,_de_Pierre_Larcher.jpg) | |
| Түхэл | Уласхоорондын |
| Тогтоогдоһон | 1974 оной ноябриин 30-да ЮНЕСКО-гэй дэргэдэхи Хүгжэмэй Уласхоорондын зүблэлэй байгуулһан үдэр |
| Һара\үдэр | октябриин 1-дэ |
Хүгжэмэй Уласхоорондын үдэр (ород хэлэн дээрэ Междунаро́дный день му́зыки) (англ. International Music Day) ЮНЕСКО-гэй дэргэдэхи Хүгжэмэй Уласхоорондын зүблэлэй (IMC) үүсхэлээр байгуулагдаһан үдэр, бүхы дэлхэй дээрэ жэл бүри октябриин 1-дэ тэмдэглэгдэдэг.
Хүгжэмэй Уласхоорондын үдэр үнгэргэхэ тухай шиидхэбэри 1973 ондо Лозаннада IMC-эй 15-дахи Юрэнхы ассамблей дээрэ абтаһан байха юм.
1974 оной ноябриин 30-да Хүгжэмэй Уласхоорондын зүблэлэй түрүүлэгшэ, сэр Иегуди Менухин ба тэрэнэй орлогшо Борис Ярустовский хоёр IMC-эй гэшүүдтэ бэшэгээр хандаһан байха юм:
1973 ондо Лозаннада боложо үнгэрһэн IMC-эй 15-дахи Юрэнхы ассамблейн шиидхэбэритэй зохилдуулжа, Хүгжэмэй Уласхоорондын зүблэлэй эмхидхэн байгуулһан Хүгжэмэй Уласхоорондын түрүүшын үдэр 1975 ондо октябриин 1-дэ үнгэргэгдэхэ.
Энэ үдэрэй зорилго:
— олониитын бүхы түлөөлэгшэдэй дунда хүгжэмэй урлал дэлгэрүүлгэ;
— арадуудай хоорондохи энхэ тайбан байдалай ба эб нүхэсэлэй, соёл хүгжөөлгын, дүй дүршэлөөрөө андалдалгын, бэе бэеынгээ гоё һайханай үнэтэ зүйлнүүдые хүндэлэн хандалгын үндэр ЮНЕСКО-дэ хабаатай үндэр зорилгонуудые бэелүүлгэ.
Нэрэтэ энэ үдэртэ зорюулагдаха хүгжэмэй хэмжээ ябуулгануудай түсэб бэшэг дотор мүн лэ үгтэнхэй: акцентын тоглолтонууд; хүгжэм зохёогшодтой, гүйсэдхэгшэдтэй, хүгжэм шэнжэлэгшэдтэй үнгэргэгдэхэ зохёохы уулзалганууд; хүгжэмэй зэмсэгүүдэй ба уран бүтээлнүүдэй болон хүгжэмдэ хабаатай гэрэл зурагуудай үзэсхэлэнүүд тухай хэлэгдэнэ. Энэ бэшэгэй дүүрэн бэшэлгэ IMC-эй албан ёһоной сайт дээрэ хэблэгдэнхэй[1].
Үшөө тиихэдэ харагты
- Fête de la Musique