Худалдаа наймаанай хүдэлмэрилэгшын үдэр
| Худалдаа наймаанай хүдэлмэрилэгшын үдэр | |
|---|---|
| Файл:День работника торговли.jpg | |
| Түхэл | Мэргэжэлтэ һайндэр |
| Тогтоогдоһон | 2013 оной майн 17 |
| Тэмдэглэгдэнэ | жэл бүри |
| Һара\үдэр | июлиин дүрбэдэхи гарагай зургаанда |
| Холбоотой | наймаанай үдэртэй |
Худалдаа наймаанай хүдэлмэрилэгшын үдэр (ород хэлэн дээрэ — День рабо́тника торго́вли) — худалдаа наймаанай һалбариин хүдэлмэрилэгшэдэй жэл бүхэндэ июль һарын дүрбэдэхи гарагай зургаанда тэмдэглэдэг һайндэр.
Худалдаа наймаанай хүдэлмэрилэгшэдэй аша габьяа тэмдэглэхэ, тэдэнэй мэргэжэлтэ ажаябуулгынь түлөө баяр хүргэхэ, уласай эдэй засагта наймаанай удха шанар ехэтэй байһые харуулха гээшэ - һайндэрэй зорилго мүн.
Һайндэрэй түүхэ
Худалдаа наймаанай хүдэлмэрилэгшэдэй һайндэр анха түрүүшынхиеэ 1966 ондо СССР-эй Дээдын Зүблэлэй Президиумэй Зарлигаар тогтоогдоһон[1]. Тиихэдэ тэрэниие июль һарын һүүлшын гарагай долоондо тэмдэглэгдэг байгаа[2].
1988 оной ноябриин 1-дэ шэнэ зарлиг абтажа, тэрэнэй ёһоор Худалдаа наймаанай хүдэлмэрилэгшэдэй үдэр гэр байрын-хотын ажахын ба хүн зоной хэрэглэмжэ хангамжын хүдэлмэрилэгшэдэй үдэрнүүдтэй ниилүүлэгдээ[3]. Худалдаа наймаанай, хүн зоной хэрэглэмжэ хангамжын ба гэр байрын-хотын ажахын хүдэлмэрилэгшэдэй үдэр иигэжэ бии болоһон байха юм. Тэрэниие жэл бүри март һарын гурбадахи гарагай долоондо тэмдэглэхэ гэжэ тогтоол гараһан байна[4].
2013 ондо Худалдаа наймаанай хүдэлмэрилэгшэдэй үдэрые хүн зоной хэрэглэмжэ хангамжын ба гэр байрын-хотын ажахын хүдэлмэрилэгшэдэй үдэрһөө һалгаажа, хоёр ондоо бэеэ дааһан һайндэрнүүд болгоогоо. Оросой Холбоото Уласай Юрэнхылэгшын 2013 оной майн 7-ой зарлигаар июль һарын дүрбэдэхи гарагай долоон гэжэ энэ һайндэрэй эсэсэй үдэр тогтоогдоһон юм[5]. Хүн зоной хэрэглэмжэ хангамжын ба гэр байрын-хотын ажахын хүдэлмэрилэгшэдэй һайндэрэй үдэр хуушан хэбээрээ үлөө — март һарын гурбадахи гарагай долоон[6].
Ёһо заншалнууд
Худалдаа наймаанай хүдэлмэрилэгшын үдэртэ энэ һалбаритай холбоотой бүхы зон — наймаашад, кассирнууд, олзын хэрэг эрхилэгшэд, менеджернүүд, эд бараанай мэргэжэлтэд, зүбшэлэгшэд болон бусад мэргэжэлтэд амаршалгануудые абадаг. Энэ үдэр һалбариин ажалшадта хэһэн ажалайнь түлөө баяр хүргэдэг. Наймаанай һалбарида хүдэлдэг нүхэдтэеэ, түрэлхитэеэ хүн зон уулзажа гү, утаһаар гү, али видео-хонхоор хонходожо амаршална[7].
Худалдаа наймаанай хүдэлмэрилэгшэдэй һайндэр тэмдэглэлгын заншалнуудта баяр ёһололой хэмжээ ябуулганууд болон найр нааданууд ородог. Тэндэ худалдаа наймаанай оршоной ажалшад, арад зоной хэрэглэмжэ хангамжын ба гэр байрын-хотын ажахын хүдэлмэрилэгшэд, тэдэнэй түрэлнүүд, нүхэд, дүтын хүнүүд суглардаг.
Эгээ эрхим хүдэлмэрилэгшэдтэ хүндын болон баярай бэшэгүүд, бэлэгүүд барюулагдадаг. Эмхи зургаанууд һайндэртэ тохёолдуулжа, хүдэлмэрилэгшэдтөө мүнгэн шангуудые үгэдэг ба бүлэгэй эблэлэй хэмжээ ябуулгануудые үнгэргэдэг байха юм[8].
Энэ һайндэр Бэеэ дааһан Гүрэнүүдэй Эбтэ нүхэсэлэй (СНГ-гэй) бусадшье гүрэнүүдтэ баһал тэмдэглэгдэдэг[9].
Холбоотой һайндэрнүүд
Май һарын хоёрдохи гарагай зургаанда Бүхэдэлхэйн үнэн зүб худалдаа наймаанай үдэр тэмдэглэгдэдэг юм(англ. World Fair Trade Day)[10].
Мартын 15 — Нэгэдэһэн Үндэһэтэнэй Эмхиин байгуулһан Бүхэдэлхэйн эд хэрэглэгшэдэй эрхые хамгаалгын үдэр (англ. World Consumer Rights Day)
Түүхын баримтанууд
- Дундада зуунай үедэ худалдаа наймаа гол түлэб эрэшүүл ябуулдаг байһан, харин мүнөө үедэ тус һалбариин мэргэжэлтэдэй дунда диилэнхи хубинь эхэнэрнүүд болонхой.
- Урданай Оросой наймаанай гол зам «варягуудһаа грегүүд хүрэтэр» гэжэ нэрлэгдэдэг байгаа[11]. Славянууд ангай арһа, булгайр, зүгын бал наймаалаад, бүд, шэл, үнэтэ шулуу худалдажа абадаг һэн.
- XVII зуун жэлэй эхин болотор Москва хотын Улаан талмай Торг гэжэ нэрэтэй байгаа — тэрэ худалдаа наймаанай мэдээжэ газар байһан[12].
- 1893 оной декабрь һарада Улаан талмай дээрэ Дээдэ зэргэлээ наймаанууд (мүнөөнэй ГУМ) нээгдэһэн байгаа — Европын эгээл ехэ хушалтатай һубаряа дэлгүүр (пассаж), ондоогоор хэлэхэдэ, худалдаанай хушалтатай гудамжа[13].
Үшөө баһа харагты
- Баглаа сэсэг зохёогшын үдэр
- Аргын хүдэлмэрилэгшэдэй үдэр
- Пульмонологой үдэр
- Сүлөө хүдэлмэрилэгшын үдэр
Ажаглалта
- ↑ 22 июля — День работника торговли в России: когда отмечается и кто празднует. «МИЦ «Известия» (21.07.2023).
- ↑ День работника торговли. Федеральная служба государственной статистики.
- ↑ День работника торговли в России. ТАСС (22.07.2023).
- ↑ Указ Президиума ВС СССР от 01.11.1988 О внесении изменений в Законодательство СССР о праздничных и памятных днях. Портал "Сейчас.ру".
- ↑ Указ Президента РФ от 7 мая 2013 г. N 459 "О Дне работника торговли". Информационно-правовой портал "ГАРАНТ.РУ" (20.05.2013).
- ↑ О празднике "День работников торговли, бытового обслуживания населения и жилищно-коммунального хозяйства". Министерство труда и социальной защиты Российской Федерации (27.03.2020).
- ↑ 22 июля — День работника торговли. Информационный центр "Вольская жизнь" (22.07.2023).
- ↑ Департамент экономического развития Курганской области. Департамент информационных технологий и цифрового развития Курганской области.
- ↑ День работников торговли. ГУ "Республиканская научно-техническая библиотека".
- ↑ Ульяна Светачева. День работников торговли в 2024 году: история и традиции праздника. Комсомольская правда.
- ↑ Татьяна Григорьева. Кто инициировал путь "из варяг в греки"?. Портал «Культура.РФ».
- ↑ Красная площадь. История. История Москвы.
- ↑ История ГУМа. ГУМ.