Хилээмэнэй Бүхэдэлхэйн үдэр

Хилээмэнэй Бүхэдэлхэйн үдэр
Хилээмэнэй Бүхэдэлхэйн үдэр
Хуулита ёһоор	World Bread Day
Тогтоогдоһон	2006 ондо
Тэмдэглэгдэнэ	хилээмэ баригшад, хилээмэ хэрэглэгшэд
Һара\үдэр	октябриин 16
Ёһо заншал	хилээмэ бариха тухай суглаанууд, үзэсхэлэнгүүд ба мастер-классууд
Холбоотой	1945 ондо Нэгэдэмэл Үндэһэтэнэй Эмхидэ эдеэ хоолой болон хүдөө ажахын эмхи зургаанай бии болоһон үдэртэй

Хилээмэнэй Бүхэдэлхэйн үдэр (ород хэлэн дээрэ Всемирный день хлеба, англ. хэлэн дээрэ - World Bread Day) — уласхоорондын һайндэр. Жэл бүри октябриин 16-да тэмдэглэгдэдэг. Энэ үдэр дэлхэй дээрэ эгээл мэдээжэ эдеэ хоолой зүйлнүүдэй нэгэн болохо хилээмэндэ зорюулагдана, тэрэ хадаа олон үндэһэ яһатанай соёлой ёһо заншал болон гол баялигай һүлдэ тэмдэг болоно бшуу.

Түүхэ

Энэ һайндэр 2006 ондо Хилээмэ баригшадай болон кондитернуудай Уласхоорондын холбооной (International Union of Bakers and Confectioners, UIBC) үүсхэлээр байгуулагдаһан юм. Хүн зоной үдэр бүриин ажабайдалда хилээмэнэй горитой ехэ удха шанар, эдеэ хоолдо болон хүдөө ажахын хүгжэлтэдэ ямар аша туһатайб гэжэ онсолхо, мүн тиихэдэ эдеэ хоолоор дуталдалгатай, үгытэй ядаруу байдалтай холбоотой асуудалнуудта анхарал хандуулха гэһэн зорилготой һайндэр.

Энэ үдэр юрэ шэлэгдээгүй. 1945 оной октябриин 10-да Нэгэдэмэл Үндэһэтэнэй Эмхиин Эдеэ хоолой болон хүдөө ажахын эмхи зургаан (ФАО) байгуулагдаһан байна. Энэ эмхи үлэсхэлэн зоболонтой тэмсэхэ ба бүхы дэлхэй дээрэ хүдөө ажахые хүгжөөхэ зорилготой. Мүн лэ октябриин 16-да тэмдэглэгдэдэг Эдеэ хоолой Бүхэдэлхэйн үдэр ФАО-гой ажал ябуулгатай холбоотой ба эдеэ хоолой аюулгүй байдалай асуудалнуудта анхарал хандуулха гэһэн шэглэлтэй^[1].

Һайндэрлэлгэ

Энэ үдэр хүн зон ажабайдалдань хилээмэнэй шухала удхатайе, тэрэниие буйлуулан бүтээхэ ажалда дайралдадаг бэрхэшээлнүүдые ойлгон мэдэрдэг. Таряа тарихаһаа эхилээд, хилээмэ бариха хүрэтэр алхам, шата бүхэндэ оролдолго, олон зоной ажал, эрхим шадабари хэрэгтэй бшуу. Энэ үйлэдбэриин ажалай ябасада хүдэлмэрилжэ, зоной дуратай амтатай талханай зүйлнүүдые бэлэглэжэ байһан зондо бүхы дэлхэй баяраа мэдүүлнэ.

Һайндэрэй үедэ элдэб янзын хэмжээ ябуулганууд үнгэргэгдэдэг, тэрэ тоодо - хуралдаанууд, үзэсхэлэнгүүд, хилээмэ барихын мастер-классуд. Иигэжэ зоной ажабайдалда хилээмэнэй удха шанар ойлгуулан тарааха, элдэб гүрэнүүдтэ эдеэ хоолой дутагдалтай тэмсэхэ гэһэн шэглэлтэй^[2].

Ажаглалта

↑ Всемирный день хлеба (неопр.). Русский этнографический музей (16 октябрь 2024).
↑ Всемирный день хлеба (неопр.). Санкт-Петербургское государственное бюджетное учреждение «Центр контроля качества товаров (продукции), работ и услуг» (16 октябрь 2023).

Ссылкэнүүд

International Union of Bakers and Confectioners (UIBC) (неопр.). Yearbook of International Organizations (YBIO). на сайте «Международная организация хлебопекарной отрасли»

[ЭТН-1] Всемирный день хлеба (неопр.). Русский этнографический музей (16 октябрь 2024).

[2] Всемирный день хлеба (неопр.). Санкт-Петербургское государственное бюджетное учреждение «Центр контроля качества товаров (продукции), работ и услуг» (16 октябрь 2023).

[1]

[2]