Терешкова Валентина Владимировна
| Валентина Терешкова | |
|---|---|
| Ажал үйлэ: | Замбуулинаар ниидэгшэ |
Валентина Терешкова (ород хэлэн Валентина Владимировна Терешкова); 1937 оной мартын 6-да Ярославлиин можын Тутаевскын аймагай Большое Масленниково тосхондо түрэһэн юм. СССР-эй замбуулинаар ниидэгшэ, дэлхэйн түрүүшын замбуулинаар ниидэгшэ эхэнэр (1963), Зүблэлтэ Социалис Уласуудай Холбооной Баатар (Советскэ Союзай Герой) (1963), генерал-майор (1995). "Эсэгэ ороной үмэнэ габьяагай түлөө" орденой дүүрэн кавалер. 1963 ондо дэлхэй дээрэ эхэнэрнүүд сооһоо эгээл түрүүн замбуулинда ниидэжэ, бүмбэрсэг Дэлхэй бүһэлэн тойроһон зүблэлтын замбуулинаар ниидэгшэ.
СССР-эй Дээдын Зүблэлэй (Верховно Соведэй) VII—XI зарлалнуудай (1966—1989) һунгамал, СССР-эй Дээдын Зүблэлэй Президиумэй гэшүүн (1974—1989). Совет эхэнэрэнүүдэй Хорооной (1968—1987) ба хилын саанахи гүрэнүүдтэй эб нүхэсэлэй ба соёлой харилсаанай совет олониитын эмхинүүдэй Холбооной (1987—1992) толгойлогшо. Оросой политик, Оросой Холбоото Уласай Гүрэнэй дүүмын һунгамал, "Ниитэ нэгэн Росси" гэһэн намай дээдын зүблэлэй гэшүүн.
Замбуулинаар ниидээд бусахадань, Зүблэлтэ Социалис Уласууудай Холбооной Баатар (Советскэ Союзай Герой ) гэһэн хүндэтэ нэрэ зэргэ Валентина Терешковада олгогдоһон юм. Мүн Валентина Терешкова Чехословаки болон Болгар Уласуудай Социалис Ажалай Баатар, Вьетнам, Монгол Уласуудай Ажалай Баатар гэһэн хүндэтэ нэрэ зэргэнүүдтэ хүртэһэн байна. Валентина Терешкова Оросой Холбоото Уласай эхэнэрнүүд сооһоо анха түрүүшынхиеэ генерал-майор гэһэн сэрэгэй зиндаада хүртэһэн намтартай. Техникын эрдэм ухаанай дид-доктор, профессор юм. Бүхы дэлхэйн эмэгтэйшүүл сооһоо замбуулин руу гансаараа ниидэһэн ори гансахан эхэнэр.
Хэһээлтын хэмжээн:
Евросоюзай, Америкын Холбоото Штадуудай, Канадын, Швейцариин, Украинын болон Шэнэ Зеландиин гүрэнүүдэй хэһээлтын хэмжээнэй списогтэ оруулагдаһан байна.