Тамирай сэдхүүлшын Уласхоорондын үдэр
Тамирай сэдхүүлшын Уласхоорондын үдэр — мэргэжэлтэ һайндэр, жэл бүри июлиин 2-то тэмдэглэгдэдэг.
Һайндэрэй бии болоһон түүхэ
Тамирай сэдхүүлшын Уласхоорондын үдэр хадаа Тамирай хэблэл мэдээсэлэй Уласхоорондын эблэлэй үүсхэлээр 1995 онһоо тэмдэглэгдэжэ эхилээ.
Һайндэрэй тэмдэглэгдэдэг үдэр юрын бэшэ: 1924 ондо Парижда Тамирай хэблэл мэдээсэлэй Уласхоорондын эблэл (АИПС) байгуулагдаһан юм. Тэрэ мүнөө үедэ үндэһэтэнэй сэдхүүлшэдэй зуун таби гаран шахуу бүлгэмүүдые нэгэдүүлнэ[1]. Энэ үйлэ хэрэг июлиин 2-то болоһон ушартай, тиимэһээ энэл үдэр уласхоорондын һайндэрэй үдэр гээд шэлэгдэһэн байха юм.
Һайндэр тэмдэглэлгын онсо маягууд
Тамирай сэдхүүлшын Уласхоорондын үдэр АИПС ба Тамирай сэдхүүлшэдэй үндэһэтэнэй эблэлнүүд баяр ёһололой зүблөөнүүдые үнгэргэдэг. Олонхи гүрэнүүдтэ энэ үдэр тамирай талаар харуулдаг, хөөрэдэг, хэлэдэг, бэшэдэг эрхим сэдхүүлшэд шагнал хайрада хүртэдэг юм. Россида энэ үдэр олонхи сонин, сэдхүүлнүүдэй редакцинуудта, радио болон телесубагуудта, мэдээсэлэй агентствэнүүдтэ ээл бэрхээр ажалладаг тамирай сэдхүүлшэдээ хүндэлэн ёһолдог заншалтай.
Олонхи хэблэлнүүд июлиин 2-то тусхай шэглэлтэй тамирай хэмжээ ябуулгануудые үнгэргэдэг, эндэ сэдхүүлшэд гансашье үгөөрөө бэшэ, харин ёһотой хэрэгээрээ физкультура, тамир болон бэеын элүүрые сахиха байдал номножо байһанаа ойлгуулан харуулдаг.
Үшөө тиихэдэ харагты
- Хэблэл мэдээсэлэй эрхэ сүлөөгэй Бүхэдэлхэйн үдэр (Всемирный день свободы печати)
- Оросой хэблэл мэдээсэлэй үдэр (День российской печати)
Ажаглалта
- ↑ [www.calend.ru/holidays/0/0/58/ Международный день спортивного журналиста — 2 июля. История и особенности праздника в проекте Календарь Праздников 2010]