Наһаа хүсэһэн үхибүүд (фильм)
| Наһаа хүсэһэн үхибүүд | |
|---|---|
| Файл:Взрослые дети Постер.jpg | |
| Жанр | шог нааданай кино зохёол |
| Режиссёр | Азаров Виллен Абрамович |
| Сценари зохёогшо |
Спирина Валентина Ивановна |
| В гол рольнуудые гүйсэдхэгшэд |
Грибов Алексей Николаевич Фёдорова Зоя Алексеевна Алёшникова Лилиана Лазаревна Демьяненко Александр Сергеевич Санаев Всеволод Васильевич Тутышкин Андрей Петрович Бортников Геннадий Леонидович |
| Операторы |
Зайцев Сергей Алексеевич Мейбом Владимир Раймондович |
| Композитор | Флярковский Александр Георгиевич |
| Кинокомпани | «Мосфильм» |
| Длительность | 75 мин. |
| Гүрэн |
 Орос Улас |
| Язык | ород хэлэн |
| Жэл | 1961 он |
| IMDb | ID 0055610 |
Наһаа хүсэһэн үхибүүд (ород хэлэн дээрэ «Взрослые дети») — 1961 ондо найруулагша Виллен Азаровай «Мосфильм» киностудида буулгаһан совет үеын шог наадата фильм. Уран һайханай энэ фильм дотор ондо ондоо үеынхидэй - нэгэ байрада ажаһууха баатай болоходоо, бэе бэеынгээ һонирхолые хүндэлжэ һураха ба зүрилдөөнүүдые дабажа гараха арга олохо баатай болоһон түрэлхидэй болон үхибүүдэй хоорондохи орёо харилсаан тухай[1][2][3].
Удха
Газаа 1950-аад онуудай һүүл багай үе. Королёвтоной гэр бүлэ һаяхан шэнэ байшан соо удаан хүлеэгдэһэн байрада хүртөөд, наһанайнгаа амаралтада гаража, тэдхэмжэ абадаг болоод, амгалан амаралта тухайгаа хүсэн һанажа эхилнэ. Анатолий Кузьмич (зүжэгшэн Алексей Грибов) наһанайнгаа амаралтада гарахынгаа урда һүүлшын ажалай үдэрэй һүүлээр гэртээ бусажа, Татьяна Ивановна һамгантаяа (зүжэгшэн Зоя Фёдорова) хоёр пенсионернүүдэй саашанхи ажабайдалай түсэбүүдээ зүбшэн хэлсэнэд. Тиигэжэ байтарнь архитекторээр хүдэлмэрилдэг наһаа хүсэһэн Людмила басаганиинь (зүжэгшэн Лилиана Алешникова) богоһо алхажа ороод, танилсаһаар һара хахад болоһонойнгоо удаа хадамда гарабаб гэжэ дуулгана. Эхэ эсэгэ хоёрынь иимэ һони гэнтэ дуулахадаа мэгдэбэ. Шэб шэнэхэн хүрьгэн хүбүүн Игорь (зүжэгшэн Александр Демьяненко), баһал архитектор, үүдээр орожо ерэнэ. Һая гэр бүлэ болоһон залуушуул түрүүшээр эхэ эсэгэтэйгээ ажаһууха гэжэ шиидэнэ. Энэ сагhаа хойшо наhатай зон намдуу амаралта тухайгаа мартаха баатай болоно.
Виноградовтанай гэр бүлэ харюусалгатай хүтэлбэрилхы тушаалнуудые эзэлбэшье, эхэ эсэгынгээ урда томо болоһон үхибүүд зандаа үлэнэ. Пенсионернүүд залуушуулые бэеэ дааһан ажабайдалдаа оромоо оложо шадахагүй гэжэ тоолоод, өөрынгөө харууһан дороһоо табинагүй, харин үхибүүдынь аха үеынхидые ойлгоногүй, хүндэгүйгөөр хандажа байһанаа харуулна.
Һая гэр бүлэ болоһон хоёр залуушуул өөһэдын һонирхолтой, ажабайдал тухай мүнөө үеын хараа бодолтой. Тэрэнииень аха үеынхидэй ойлгохонь ехэ хэсүү байна ха. Ехэнхидээ залуушуул тэдэнэй һанал бодол хараадаа абангүй, бодомжогүй аяг ааша харуулна. Нэгэ амаралтын үдэр Королёвтоной хэдэн жэлэй туршада ээлжээндээ байжа удаан хүлеэгдэһэн «Хельга» гэһэн ханын бараагай орондо хүрьгэн хүбүүниинь өөртөө телескопическа һэрээтэй мотоцикл худалдажа абана. Үглөө бүри Игорь Люся хоёр толгой дээрээ зогсожо, його хэдэг, дуу хүгжэм шангаар шагнадаг, шууяатай нүхэдэй бүлэгүүдые гэртээ асардаг байна. Тэрэ хоёрой хүн бүхэниинь өөрынгөө һонирхол шанга шангаар хамгаалжа, бэе бэеынгээ дунда оло дахин арсалдадаг байба. Эхэ эсэгын харууһан доро байлга, тэдэнэй үлүү ехэ баалалга Виноградовтанай сухалынь хүргэжэ эхилнэ. Тэдэ мэтэ хадаа хоёр айлай хоорондо байд гээд лэ болодог хэрүүл шууяанай, зүрилдөөнэй шалтагаан болоно. Тииһээр байтар залуушуулай үхибүүтэй болоходонь, ажабайдалынь огто тэсэхээр бэшэ болоно. Үхибүүдые хүмүүжүүлхэ талаар өөрынгөө һанал залуу айлдаа баалан зүбшөөлгөөд, нагаса эжы аба хоёрынь нарай нялха Толик зээ хүбүүгээ үлүү ехээр харууһалан абанад. Уданшьегүй тэдэ үхибүүнэй бүхы харууһалалга өөр дээрээ абажа, эхэ эсэгыень энээнһээ холодуулна.
Люся хамтынгаа архитектурна түсэл дүүргэхэеэ ажалдаа бусана. Залуу үбгэ һамган хоёр һонирхолтой хэрэгтээ тархяараа орожо, хүбүүндээ анхаралаа огто хандуулхаяа болишоно. Нэгэтэ Королёвтон театр ошоно, тиихэдэнь Виноградовтан амарханаар ажалдаа ошохын тула нарай үхибүүгээ хүршын хүбүүн Витятай орхино. Тиигэхэ үедэ Витя үшөө хэдэн арбаад хүбүүдые байрадаа уряад, тэдэнь гэр соохи бүхы юумыень һандаажа, урбуулжа хаяна. Татьяна Ивановна Анатолий Кузьмич хоёр гэртээ бусахадаа, ехээр залд гэнэ...
Архитектурна түсэлөө амжалтатайгаар дүүргээд, Виноградовтанай гэр бүлэ путёвкоор хоёр долооной туршада санатори руу амархаяа мордохо гэжэ байба, харин ехээр сухалдаһан Анатолий Кузьмич тэдэнэй орондо һамгантаяа ошоно. Залуушуулда туршалгын, хэрүүл аманай, гэр бүлын болон тэрэнэй гэшүүдэй үүргэ шэнээр сэгнэхэ саг эхилнэ. Тэдэнэр хэрэлднэ, һөөргөө эблэрнэ, бэе бэеынгээ, үхибүүнэйнгээ түлөө харюусалга абажа һурана.
Фильмын эсэстэ гэр бүлэнүүд амяарлаха гэжэ шиидэбэшье, эхэ эсэгэнь үхибүүдтээ туһалхаяа болиногүй.
Дүрэнүүдтэ
- Алексей Грибов[4][5] — Анатолий Кузьмич Королёв
- Зоя Фёдорова[5] — Татьяна Ивановна Королёва
- Лилиана Алёшникова[5][6] — Людмила Виноградова (Королёва)
- Александр Демьяненко[5][7][8] — Игорь Николаевич Виноградов
- Всеволод Санаев — Василий Васильевич, гэр бүлын найза нүхэр
- Николай Граббе — сагдаа
- Геннадий Бортников — дурлаһан залуу
- Марина Хатунцева — дурлаһан басаган
- Константин Худяков — залуу архитектор
- Александр Лебедев — архитектор
- Андрей Тутышкин — Борис Владимирович, архитектор[1]
Буулгаһан бүлэг
- Сценари зохёогшо — Валентина Спирина
- Найруулан табигша — Виллен Азаров
- Найруулагшад — В. Глазков, Аида Манасарова
- Зураг буулгагшад — Сергей Зайцев, Владимир Мейбом
- Хүгжэм зохёогшо — Александр Флярковский
- Захирал — Владимир Канторович
- Хубсаһа таруулан зохёоһон уран зурааша — Валентин Перелётов[9]
Үшөө тиихэдэ харагты
Ажаглалта
- ↑ 1 2 Взрослые дети (1961 год). Кино-театр.ру.
- ↑ Взрослые дети. Афиша (журнал).
- ↑ Взрослые дети (1961). Кинопоиск.
- ↑ Фильм «Взрослые дети», 1961 год. (к/т «Иллюзион», Большой зал). Gosfilmofond-org.timepad.ru.
- ↑ 1 2 3 4 "Звёзды советского экрана": "Взрослые дети". M24.ru (2023-03-09).
- ↑ Сломанная судьба Лилианы Алёшниковой: Как любопытство журналистов ускорило уход забытой кинозвезды. Kulturologia.ru.
- ↑ Как роль Шурика стала для Александра Демьяненко проклятием всей жизни. Kino.rambler.ru (2019-05-30).
- ↑ Татьяна Уланова (2022-05-30). Бедный Шурик! Гайдай сделал его звездой, Гайдай погубил его карьеру. Аргументы и факты.
- ↑ Взрослые дети (1962). Kino.mail.ru.
Литература
- Левшина И. В жизни и в искусстве // Искусство кино. — 1962. — № 3. — С. 122-125.
- Рудницкий К. Сюжет, улыбка, мораль... // Советский экран. — 1962. — № 1.
- Колесникова Н. Четверо под одной крышей // Советская культура. — 1961. — № 152 (1332) (21 декабря). — С. 3.
- Кваснецкая М. — «Взрослые дети» // Комсомольская правда, 16 декабря 1961.
Ссылкэнүүд
- Ажалладаггүй файлай ссылкэнүүдтэй хуудаһанууд
- Фильмы по алфавиту
- Фильмы 1961 года
- Рувики:Статьи с изображениями: заполнить свойство P18 в РУВИКИ.Данных
- Рувики:Статьи с изображениями: заполнить свойство P373 в РУВИКИ.Данных
- СССР-эй шог нааданай кино зохёол
- 1961 оной шог нааданай кино зохёол
- «Мосфильм» студиин кинонууд
- Москва тухай кинонууд
- СССР-эй залуушуулай фильмууд
- СССР-эй хара-сагаан фильмууд