Молоков Иван Константинович

Молоков Иван Константинович
Молоков Иван Константинович
Түрэһэн һара/үдэр	1917 оной февралиин 24
Түрэһэн газар	Оросой хаанта гүрэн, Орловско можо, Малоархангельска хушуун, Никитовка һуурин
Наһа бараһан һара/үдэр	1977 оной октябриин 18 (60 наһатай)
Наһа бараһан газар	Гродно хото[d], Беларусь ССР[d], Зүблэлтэ холбоото улас;
Хамаадал	СССР
Сэрэгэй түрэл янзань	танкада эсэргүүсэхэ сэрэгүүд
Алба хэһэн жэлнүүд	1938 он—1958 он
Нэрэ зэргэ
Дайн/байлдаан	Совет-фин дайн (1939—1940), ; Эсэгэ ороноо хамгаалгын Агууехэ дайн

Молоков Иван Константинович (1917 оной февралиин 24-дэ түрэһэн, Оросой хаанта гүрэн, Орловско можо, Малоархангельска хушуун, Никитовка һуурин — 1977 оной октябриин 18-да наһа бараа, Беларусь Уласай Гродно хото) — Зүблэлтэ Сэрэгэй полковник, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1944).

Намтар

Иван Молоков 1917 оной февралиин 24-дэ Орловско можын Никитовка һууринда (мүнөөнэй Орловско можын Свердловскын аймаг) түрэһэн юм. Һургуулиин долоон класс дүүргээд, трактористаар хүдэлөө. Молоков 1938 ондо Ажалшад-Таряашадай Улаан Сэрэгтэ алба хаахаяа татагдаһан байна. Совет-фин дайнда хабаадаһан (1939—1940) онуудта. 1941 оной июнь һараһаа — Эсэгэ ороноо хамгаалгын Агууехэ дайнай фронтнуудта. Молоков 1943 ондо Саратовай танкын училищи дүүргээ^[1].

1944 оной апрель һара болотор торгон сэрэгэй ахалагша лейтенант Иван Молоков 4-дэхи Украинска фронтын, 51-дэхи армиин, торгон сэрэгэй танкын амаяараа 22-дохи полкын дунда зэргын танкнуудай взводые ударидаа. Крымые сүлөөлхэ үедэ шалгарһан байна. 1944 оной апрелиин 8-10-най үдэрнүүдтэ Молоков Каранки һууринай (мүнөө байхаяа болиһон, Джанкойн аймагай газар дэбисхэр дээрэ оршодог байһан) немецүүдэй хамгаалалгын гурбан шугамые сүмэлжэ гаралгада хабаадалсаа. Молоковой взвод энэл аймагай Томашовка һууринда эгээл түрүүн гаталан орожо, дайсадта ехэ хохидол үзүүлээ. Тэрэ тулалдаанда Молоков снарядаар сохигдожо бүтүү гэмтэл абаашье һаа, дайлалдаагаа үргэлжэлүүлээ^[1].

СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1944 оной майн 16-ай Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдэ Крымдэхи сэрэгэй ябуулгада харуулһан шэн зоригой ба баатаршалгын түлөө» торгон сэрэгэй ахалагша лейтенант Иван Молоков Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 3658 дугаарай «Алтан Одон» медаляар шагнагдаһан байха юм^[1].

Дайнай дүүрэһэнэй удаа Молоков Зүблэлтэ Сэрэгтэ албаяа үргэлжэлүүлээ. Ленинградай сэрэгэй офицернүүдэй һургуули 1945 ондо, 1954 ондо Ленинградай дээдэ танкда эсэргүүсэхын һургуули дүүргээ. 1958 ондо Молоков полковнигой нэрэ зэргэтэйгөөр албанһаа табигдажа, сэрэгэй нөөсэдэ гараа һэн. Белоруссиин Гродно хотодо ажаһуугаа, хотын гүйсэдхэхы хороондо ажаллаа. 1977 оной октябриин 18-да наһа бараһан^[1].

Шагналнууд

Алтан Одон медаль
Улаан Тугай орден,
Александр Невскын орден (СССР),
Улаан Одоной орден,
хэдэн медальнууд^[1].

Дурасхаал

И. К. Молоковай нангин дурасхаалда Гродно хотын нэгэ гудамжа нэрээрнь нэрлэгдэнхэй^[2].

Ажаглалта

↑ ¹ ² ³ ⁴ ⁵ Молоков Иван Константинович. Сайт «Герои страны».
↑ В Гродно появятся улицы, которым присвоены имена Героев Советского Союза. Гродзенская праўда (2015-12-01). the original on 2018-01-28 2018-01-28 үдэртэ хандаһан.

Ном зохёол

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2
Воробьёв В. П., Ефимов Н. В. Герои Советского Союза: справ. — СПб., 2010.
Фролов П. И., Пирогов В. А., Макушев А. Ф. Боевое созвездие орловцев. — Тула, 1985.

[wh-1] ¹ ² ³ ⁴ ⁵ Молоков Иван Константинович. Сайт «Герои страны».

[2] В Гродно появятся улицы, которым присвоены имена Героев Советского Союза. Гродзенская праўда (2015-12-01). the original on 2018-01-28 2018-01-28 үдэртэ хандаһан.

[1]

[2]