Егорова Лариса Ильинична
| Лариса Егорова | |||||
|---|---|---|---|---|---|
| Егорова Лариса Ильинична | |||||
 | |||||
| Түрэһэн һара үдэр | 1949 оной мартын 5 | ||||
| Түрэһэн газар | Бурят-Монголой АССР, Бэшүүрэй аймаг, Шанага һуурин | ||||
| Хамаадал |
 СССР Орос Улас |
||||
| Мэргэжэл | зүжэгшэн | ||||
| Эдэбхитэй жэлнүүд | 1968 онһоо — мүнөө саг болотор | ||||
| Амплуа | Драма (жанр), шог зүжэг | ||||
| Театр | Хоца Намсараевай нэрэмжэтэ Буряадай гүрэнэй драмын театр | ||||
| Шагналнууд |
|
||||
| IMDb | ID 1922563 | ||||
Егорова Лариса Ильинична (1949 оной мартын 5) түрэһэн — буряадай болон оросой театрай зүжэгшэн, Буряадай АССР-эй арадай зүжэгшэн, РСФСР-эй габьяата зүжэгшэн (1982), Россиин арадай зүжэгшэн (1997).
Намтар
Лариса Егорова 1949 оной мартын 5-да Буряад-Монголой АССР-эй Бэшүүрэй аймагай Шанага нютагта түрэһэн юм. Һургуулиин һүүлээр Х. Намсараевай нэрэмжэтэ Буряадай гүрэнэй драмын театрай зүжэгшэдые бэлдэлгын студидэ һуралсал гаража дүүргээд, театрай зүжэгшэдэй бүлгэмэй бүридэлдэ ороһон байна.
Тус студида һуража байха үедөө, түрүүшынгээ роль кинодо гүйсэдхөө — 1968 ондо олоной анхаралда гараһан Барас Халзановай «Һүүлшын дээрмэдэлгэ» гэһэн уран һайханай фильмдэ наадаа.
Н. Бурлак болон И. Плахтинай «Урда талын одохонууд» гэһэн зүжэгтэ Лариса Егорова театрай тайзан дээрэ түрүүшынхиеэ арбадахи классай һурагша Наташын дүрэ гүйсэдхэжэ наадаһан байха юм. Харагшад тэрэ дороо залуу һайхан, бэлигтэй зүжэгшэниие анхаржа, дурлаһан байна. Тэрэ үедэ театрта наадажа байһан ахамад суг ажалтан нүхэдынь бэлигтэй зүжэгшэнэй тогтон бүрилдэлгэдэ ехэ туһа үзүүлһэн байна.
Илангаяа дуулаха, хатарха ёһотой дүрэнүүдтэй тоглолтонуудта амжалта туйладаг байгаа. «Мой брат играет на кларнете», «Озорная молодость» гэхэ мэтэ тоглолтонуудаар, монгол драматург Ч. Лодойдамбын «Гарай табан хурган» пьесээр уян нугархай бэетэй, хүгжэмэй талаар бэлигтэй зүжэгшэн уни удаанаар анхаралтай харагшадай һанаанда хадуугдадаг байһан[1].
А. Салынскын пьесээр «Барабанщица» гэһэн зүжэгтэ Нила Снежкогой роль Егоровайгай уран бүтээлэй замай хүгжэлтын шэнэ шата боложо үгэһэн байна. Энэ дүрэ гүйсэдхэжэ 1975 ондо театртаяа хамта Москва хото гастрольдо ошоһон байха юм. Доржо Эрдынеевэй зохёолоор табигдаһан «Бальжин хатан» гэжэ зүжэгтэ гол роль гүйсэдхэһэниинь ажалайнь намтарта ехэ удха шанартай байгаа[2].
Буряадай театрай урлалда ехэ габьяатай байһанай түлөө Лариса Егоровада Буряадай АССР-эй арадай зүжэгшэн гэһэн нэрэ зэргэ олгогдоо һэн. 1981 ондо киргиз уран зохёолшо Ч. Айтматовай зохёолоор «Эхын тала» гэжэ зүжэгтэ Л. Егорова орёо роль наадаа. Илангаяа зүжэгшэн энэ рольороо омогорходог.
1982 ондо РСФСР-эй габьяата зүжэгшэн гэһэн нэрэ зэргэдэ хүртөө.
Егорова үшөө ондоо табсан дээрэ бэеэ туршаа: «Дангина» гэһэн өөрын театр нээгээд, найруулагшын тушаалда хэдэн зүжэгүүдые табиһан, тэдээн соогоо баһа рольнуудыешье гүйсэдхэһэн байха юм.
1997 ондо Оросой Холбоото Уласай арадай зүжэгшэн гэһэн нэрэ зэргэдэ хүртөө. Мүнөө үеын театрай урлалай хүгжэлтэдэ, олониитын ажал ябуулгада хубитаяа оруулһанайнгаа түлөө Л. И. Егорова 2004 ондо гүрэнэй үндэр шагнал — Хани барисаанай орденоор шагнагдаа.
Мүн Нацагдоржын нэрэмжэтэ Монголой драмын театрта наадаа. Мүнөө Х. Намсараевай нэрэмжэтэ Буряадай академическэ театрай уран һайханай зүблэлэй гэшүүн юм.
Театрта наадаһан рольнууд
- Наташа («Звездочки южные» Н. Бурлака)
- Мамаева («На всякого мудреца довольно простоты» А. Н. Островского)
- Нила («Барабанщица» А. Д. Салынского)
- Цзян Цин («Катастрофа» Д. Батожабая)
- Донька («Ленушка» Л. Леонова)
- Толгонай («Материнское поле» Ч. Айтматова)
- Бальжин-Хатан в одноимённом спектакле по пьесе Д. Эрдынеева
- Аркадина («Чайка» А. Чехова)
- Агазия («Не бросай огонь, Прометей!» М. Карима)
- Софья («Последние» М. Горького)
- Оливия («Двенадцатая ночь» В. Шекспира)
- Медея в одноимённой пьесе Ж. Ануйя
- Гонерилья («Король Лир» В. Шекспира)
- Түмэн-Жаргалан в героическом эпосе «Гэсэр»
- Филумена («Женщина, не знавшая слез» по пьесе Э. де Филиппо)
- Камала («Сиддхарта» Гессе)
- Ольга («Его алмазы и изумруды» С. Лобозерова)
Фильмографи
- Һүүлшын дээрмэшэлгэ — Мэдэгма
Шагналнууд ба нэрэ зэргэнүүд
- Буряадай АССР-эй арадай зүжэгшэн
- Буряадай АССР-эй Республикын комсомолой шан (1976)
- РСФСР-эй габьяата зүжэгшэн (1982)
- Оросой Холбоото Уласай арадай зүжэгшэн (1997)
- Хани барисаанай орден (Орос Улас) (2004)
- Чингис хаанай орден (Монгол)[3]