Артистын үдэр
| Артистын үдэр | |
|---|---|
 | |
| Түхэл | Мэргэжэлтэ |
| Байгуулагша | Оросой Холбоото Уласай засагай газар |
| Тэмдэглэгдэнэ | жэл бүри |
| Һара\үдэр | Январиин 17 |
Зүжэгшэнэй һайндэр (ород хэлэн День артиста) — Орос гүрэндэ 2025 оной июль һарада байгуулагдаһан мэргэжэлтэ һайндэр. Оросой Холбоото Уласай Театрай ажал ябуулагшадай холбооной түрүүлэгшэ Владимир Машковай үүсхэлээр тус һайндэр байгуулагдаа. Мэргэжэлтэ энэ үдэр зүжэгшэнэй бэлиг шадабариин байгуулалтые зохёогшо Константин Станиславскиин түрэһэн үдэртэй дашарамдуулагдаа[1]. Һайндэр хадаа хүгжэмшэдэй, дуушадай, киногой, театрай болон циркын зүжэгшэдэй мэргэжэлдэ хабаатай[2].
Ородой Соёлой яаман энэ шиидхэбэри баталһан албанай гуримшуулгын акт гаргаха ёһотой[3].
Түүхэ
1917 ондо Орос гүрэндэ анха түрүүшынхиеэ Ородой зүжэгшын үдэр үнгэргэгдэһэн байгаа. Ородой театрнуудай бүлгэм энэ үдэр байгуулхадаа, гүрэн дотор театрые хүгжөөхэ хэрэгтэ мүнгэ һомололго сууглуулха болон туһаламжада хэрэгтэй зүжэгшэдые тэдхэмжээр дэмжэхэ зорилготойгоор үүсхэһэн юм[4].
2024 оной декабриин эхеэр Владимир Машков Оросой Холбоото Уласай Театрай хүдэлмэрилэгшэдэй Холбооной секретариадай үргэдхэгдэмэл зүблөөн дээрэ Зүжэгшэнэй үдэр байгуулха тухай дурадхал оруулһан байна. Тэрэнэй хэлэһээр: «Энэ үдэр театрай бүхы ниигэмдэ удха шанартай тэмдэг болохо. Нэрэнь гэнтэ дэмы шэлэгдээгүй; энэнь гаршагуудай нэрэ зэргэнүүдһээ гаралтай: театрай, хүгжэмэй, циркын, эстрадын ба кино урлалай һалбаринуудтада габьяатай, гайхамшаг туйлаһанайнгаа түлөө Арадай болон габьяата зүжэгшэн гэжэ үндэр нэрэ зэргэнүүд олгуулагдадаг, үндэр шанда хүртэгдэдэг ха юм даа»[5].
Тиихэдэ энэ аргаар Мария Гавриловна Савинагай болон тэрэ сагай Театрай бүлгэмэй түүхэтэ үүсхэл оршон үеын театрай ажаябуулагшадай Холбоон һэргээхэ зорилготой гэжэ Владимир Машков тэмдэглэбэ. Түүхэтэ тэрэ үе сагай Зүжэгшэнэй үдэртэ жэлэй нэгэ удаа артистнар зүжэгүүдые аруулдаг байгаа, тэндэ сугларһан мүнгэн зөөри Санкт-Петербург хотодо түрүүшын тайзанай ветерануудай байшанай барилгада шэглүүлэгдэдэг байгаа[5].
Зүжэгшэдэй бусад һайндэрнүүд
Августын 26-да бүхы дэлхэй, тэрэ тоодо Ород гүрэн, манай эрын III зуун жэлдэ ажаһууһан эртэ урдын Римэй зүжэгшэн Генезий Римскын мүнхэ дурасхаалда байгуулагдаһан Уласхоорондын зүжэгшэдэй үдэр тэмдэглэгдэнэ. Генезий тайзан дээрэ христан һүзэгтэниие һажаажа наадаад, энэ шэнэ шажан мүргэлые шэнжэлһээр, өөрөө христианай шажанда үзэлдэ ороһон байгаа. Энээн тухайгаа олон харагшадай урда мэдүүлжэ, тэрэнэй түлөө саазалагдаа. Хожомынь тэрэ гэгээн болгогдожо, зүжэгшэдэй, хүгжэмшэдэй, эпилепси үбшэнтэниие хамгаалан аршалагша гэжэ тоологдодог байгаа[6][7].
Ажаглалтанууд
- ↑ "В России 17 января будет отмечаться День артиста", 2025-08-09. 2025-08-03.
- ↑ "В России 17 января будут отмечать новый праздник — День артиста", 2025-08-09. 2025-08-09.
- ↑ В России будет отмечаться День артиста (ород хэлэн). government.ru (3 август 2025). Дата обращения: 9 август 2025.
- ↑ День русского актера. Проект 1917 (ород хэлэн). project1917.ru. Дата обращения: 9 август 2025.
- ↑ 1 2 "Машков предложил учредить День артиста". 2025-08-09.
- ↑ Генесий Мим. Церковно-научный центр «Православная Энциклопедия». Дата обращения: 9 август 2025.
- ↑ Catolik encyclopedia: Genesius (англ.). www.newadvent.org. Дата обращения: 9 август 2025.