Алимай үдэр
| Алимай үдэр | |
|---|---|
 | |
| Түхэл | Албан ёһоной бэшэ һайндэр |
| Ондоогоор | Apple Day |
| Тогтоогдоһон | «Common Ground» |
| Тэмдэглэгдэнэ | Ехэ Британи |
| Һара\үдэр | октябриин 21 |
| Ёһо заншал | һур харбалгаар алим тудхааха гү, али алим хальһанһаань сэбэрлэлгын мүрысөөн — «The Longest Peel Competition» |
 РУВИКИ.Медиа дахи Медиафайл | |
Алимай үдэр — (ород хэлэн дээрэ День яблока), (англ. Apple Day) — Ехэ Британида жэл бүри октябриин 21-дэ (гү, али энэ үдэртэ эгээл дүтэ амаралтын үдэртэ) үнгэргэгдэдэг албан ёһоной бэшэ һайндэр[1].
Алимай үдэр һайндэрлэлгэ ба түүхэ
Ехэ Британида энэ хэмжээ ябуулга анха түрүүшынхиеэ 1990 ондо Британиин олтирогой буян үйлэдэдэг эмхинүүдэй нэгэн болохо «Common Ground» бүлэгэй үүсхэлээр эмхидхэгдэһэн байна. Һайндэр «Алимай үдэр» гэжэ нэрэтэй байбашье, ганса алимда бэшэ, бүхы жэмэстэ сэсэрлигүүдтэ, мүн тиихэдэ олтирогой үзэсхэлэнтэ газарнуудта зорюулагдана.
Ажабайдалай олон янзые, оршолон юртэмсын бүхы талануудые харуулха һүлдэ тэмдэг, оршон тойрондо боложо байгаа юумэндэ, үйлэ ушарта хүнэй өөрөө нүлөө үзүүлхэ шадалтайе энэ һайндэр эмхидхэгшэд алим дотор адаглан обёоржо шадаһан байна. Хэрээһэтэ шажанай гол ном һудар болозо Библи дотор зураглагдаһан Евые һанаха болоо һаа, һайндэр эмхидхэн байгуулагшадай һанал бодол бүри эли тодо, ойлгосотой болоно - хүнэй ажабайдалда нүлөө үзүүлһэн «хорюултай жэмэс» алимһаа үлүүсэ нүлөөлһэн жэмэс хомор.
Энэ һайндэр алим жэмэсые бүхы талаһаань харуулһан яармагай зарим түһөөтэй найр болоно. Зуугаад янзын, тэрэ тоодо дэлгүүртэ оройдоошье худалдагдадаггүй зарим алим ганса амсан туршаха бэшэ, харин өөрынгөө сэсэрлигтэ гү, али гэрэйнгээ газаа абаашажа тариха үрэһэ худалдажа абаха арга энэ һайндэрэй үедэ байдаг. Алим тарижа эхилжэ байһан «алимшад» энэ үдэртэ һонирхоһон асуудалнуудтаа мэргэжэлтэ заабари абаха аргатай.
Һайндэртэ ерэһэн зон алимаар хэгдэһэн элдэб янзын эдеэ хоол туршаха, хожом гэртээ шанахын тула тэдэниие бэлдэхэдэ хэрэглэдэг тобшо заабаринуудые абаха аргатай.
Элдэб янзын «алимнай мүрысөөнүүд» энэ һайндэрэй заншалта шэнжэ болоһон байха юм. Жэшээнь, һур харбалгаар алим онохо гү, али алимай хальһа сэбэрлэлгээр - эндэ алимһаа эгээл ута хальһа тайража шадаһан хүн илагша болоно.
Англиин хаанта гүрэнэй эрхэтэдэй тэмдэглэдэг «Алимай үдэрые» зарим интернет-сайтнууд «Алимай Бүхэдэлхэйн үдэр» гэжэ нэрлэхэеэ яаранхай бшуу[2]. Тиигэбэ яабашье энэ нэрэ мүнөө сагай баримта байдалда буруушье һаа, лүндэн тайлбарилга боложо магадгүй. Америкын Холбоото Штадуудта жэл бүри февралиин 20-до тэмдэглэгдэдэг өөһэдын «Алимай үдэр» бии болонхой.
Ажаглалта
- ↑ en:Apple Day
- ↑ ВСЕМИРНЫЙ ЯБЛОЧНЫЙ ДЕНЬ Архивная копия от 16 декабрь 2010 на Wayback Machine
Үшөө тиихэдэ харагты
Ссылкэнүүд
- [www.calend.ru/holidays/0/0/2655/ «День яблока» в Великобритании]
- «День яблока» в СШАнедоступная ссылка