Трофимов Иван Максимович
| Трофимов Иван Максимович | ||||||
|---|---|---|---|---|---|---|
 | ||||||
| Түрэһэн һара/үдэр | 1904 оной майн 3 | |||||
| Түрэһэн газар | Симбирск (һүүлээрнь Ульяновск) | |||||
| Наһа бараһан һара/үдэр | 1975 оной февралиин 5 | |||||
| Наһа бараһан газар | Буряадай АССР-эй Яруунын аймаг, Нарһата һуурин | |||||
| Хамаадал | ||||||
| Сэрэгэй түрэл янзань | ябаган сэрэг | |||||
| Алба хэһэн жэлнүүд | 1942 он—1946 он | |||||
| Нэрэ зэргэ |
 |
|||||
| Дайн/байлдаан |
Эрхэтэнэй дайн, Эсэгэ ороноо хамгаалгын Агууехэ дайн |
|||||
| Шангууд ба шагналнууд |
|
|||||
Трофимов Иван Максимович (1904 оной майн 3-да түрэһэн, Симбирск хото—1975 оной февралиин 5-да наһа бараһан, Яруунын аймаг, Нарһата һуурин) — Ажалшад-Таряашадай Улаан Сэрэгэй сержант, Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1945).
Намтар
Иван Трофимов 1904 оной майн 3-да Симбирск хотодо түрэһэн юм. Һургуулиин дүрбэн класс дүүргээ. Эдир наһандаа эрхэтэнэй дайнай байлдаануудта хабаадаа. 1930-аад онуудай эхинһээ Буряад-Монголой АССР-тэ ажаһуугаа, хамтын ажахыда хүтэлбэрилэгшөөр ажаллажа байһан. Трофимов 1942 оной июнь hарада Ажалшад ба Таряашадай Улаан Армида алба хэхэеэ татагдаа. Тэрэл жэлэй июль һараһаа — Эсэгэ ороноо хамгаалгын Агууехэ дайнай фронтнуудта. Байлдаануудта хүндөөр шархатаһан байна[1].
Сержант Иван Трофимов 1944 оной июль болотор Балтиин 2-дохи фронтын сохилтын 3-дахи армиин буудалгын 391-дэхи дивизиин буудалгын 1024-дэхи полкын хэсэгүүдые ударидаа. Латвиин ССР-эй газар дэбисхэртэ болоһон байлдаануудта хабаадаа. Трофимовай ударидажа ябаһан сэрэгэй хуби 1944 оной июлиин 17-до Зилупэ гол гаталжа гараад, тэрэнэй нүгөө эрьедэ байлдаанай талмай эзэлээд, барижа абаха байлдаануудта эдэбхитэй бэрхээр хабаадалсаа. Немецүүдэй окопуудые эрид шанга добтолго хэжэ байхадаа, Трофимов өөрөө 5 немец сэрэгшые усадхаһан юм. Удаадахи байлдаануудта Трофимовай сэрэгэй хуби Лудзиин аймагай Лаудери һуурин газар эгээл түрүүн гаталан ороһон байна. Байлдаанай түйлдаа хүрэжэ ерэһэн сагта Трофимов взводой захирагшые һэлгэжэ, түхэреэлэн хамгаалалга эмхидхээ, өөрөө хүндөөр шархатаһаншье һаа, байлдаагаа үргэлжэлүүлһэн зандаа байба, дайсанай үшөө хэдэн сэрэгшэдые хюдажа, хоёрыень мэдэлдэ абаһан байха юм[1].
СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1945 оной мартын 24-эй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэй түлөө, тиихэдээ харуулһан шэн зоригой ба баатаршалгын түлөө» торгон сэрэгэй сержант Иван Трофимов Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 6530 дугаарай «Алтан одон» медаляар шагнагдаһан[1].
Трофимов 1946 ондо сэрэгһээ табигдаа. Буряад ороной Яруунын аймагай Нарһата һууринда ажаһууһан, ажаллаһан. 1975 оной февралиин 5-да наһа бараһан[1].
Тиихэдэ Улаан Одоной ба Алдар солын 3-дахи шатын орденуудаар болон олон тоото медальнуудаар шагнагдаһан[1].
Ажаглалта
Ном зохёол
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2
- Криченивкер Е. М. Золотые Звёзды воинов Бурятии. Улан-Удэ, 1968.
На эту статью не ссылаются другие статьи Рувики. |
.svg){kind=link}
- Мэдээжэ хүнүүд алфавидай ёһоор
- (СССР)-эй Сержантнууд
- Зүблэлтэ Холбооной Баатарнууд
- Ленинэй орден зүүгшэд
- Улаан Одоной орден зүүгшэд
- Алдар солын III шатын орден зүүгшэд
- «Шэн зоригой түлөө» медаляар шагнагдагшад
- Оросто болоһон Эрхэтэнэй дайнда хабаадагшад
- Эсэгэ ороноо хамгаалгын Агууехэ дайнай ябаган сэрэгшэд