Сагай эрхэ
| Сагай эрхэ | |
|---|---|
| Сагай эрхэ | |
| 2016 ондо Улаан-Үдэдэ түрүүшынхиеэ хэблэгдэһэн номой гадар | |
| Жанр | туужа, үгүүлэлнүүд |
| Эблүүлэн зохёогшо | Доржи Норбосампилович Сультимов |
| Эхэ бэшэгэй хэлэн | буряад |
| Бэшэгдэһэн һара үдэр | 2015 |
| Түрүүшынхиеэ хэблэгдэһэн һара үдэр | 2016 |
«Сагай эрхэ»[1] (ород хэлэн дээрэ «Веление времени» — Оросой Холбоото Уласай габьяата зүжэгшэн, гүрэнэй Уран зохёолшодой холбооной гэшүүн, соёл урлалай болон уран зохёолой талаар Буряад Уласай шангай хоёр удаа лауреат болоһон Доржи Норбосампилович Сультимовай бэшэһэн туужа болон үгүүлэлнүүдэй согсолбори.
Согсолбориин түүхэһээ
Доржо Сультимовай энэ согсолбори 2015 ондо бүридхэн суглуулагдаад, олзын хэрэг эрхилэгшэ А. Б. Бальжинимаевай үмсын хэблэлдэ 2016 ондо барлагдажа, удха зохёолой-уран һайханай ном боложо, түрүүшынхиеэ нара хараһан байна. Тус согсолборидо нэгэ нэрэтэ туужа, гурбан үгүүлэл, уянгата бодол оруулагдаа. «Сагай эрхэ» согсолбори монгол хэлэндэ оршуулагдажа, 2017 ондо Улаан-Баатар хотодо хэблэгдээ.
Туужын удха
Номдо нэрэеэ үгэһэн туужа дотороо уран зохёолшо эсэгэ, хүбүүн, аша хүбүүн гурбанай хоорондохи харилсаан[2] дээрэ үндэһэлжэ, мүнөө үе сагай ажамидарал зураглана. Тэдэнэрэй дабашагүй орёо байдалда ороходоо, сэдьхэлээ нээжэ хубаалдаһан һанал бодол, хүсэл зорилго, эрмэлзэл уншагшадай һонирхол татана. Үнэн сэхэ абари зан, нэрэ хүндэ, һэшхэл, үнэнхэ зүрхэнһөө зоной түлөө ородолго болбол хүнэй амидаралай эгээл ехэ үндэр хэмжүүрэй, эгээл үнэтэй сэнтэй, амин шухал зүйл болоно. Харин сагай эрьюулгэ соо хардалга гүрдэлгын, атаа жүтөөнэй, хомхой хобдог, худал хуурмаг ябадалай үрэгүй дүндэ асардаг тухай энэ зохёол дотор хэлэгдэнэ[3].
Согсолборидо оруулагдаһан зохёолнууд
Туужа
Үгүүлэлнүүд
Уянгата бодол
Ссылкэнүүд
- ↑ https://rusneb.ru/catalog/000199_000009_010706013/
- ↑ https://cyberleninka.ru/article/n/problema-vzaimootnosheniy-ottsov-i-detey-v-povesti-d-sultimova-sagay-erhe-velenie-vremeni
- ↑ https://www.semanticscholar.org/paper/%D0%9F%D1%80%D0%BE%D0%B1%D0%BB%D0%B5%D0%BC%D1%8B-%D0%BD%D1%80%D0%B0%D0%B2%D1%81%D1%82%D0%B2%D0%B5%D0%BD%D0%BD%D0%BE%D1%81%D1%82%D0%B8-%D0%B2-%D0%BF%D1%80%D0%BE%D0%B8%D0%B7%D0%B2%D0%B5%D0%B4%D0%B5%D0%BD%D0%B8%D1%8F%D1%85-%D0%94.-(%D0%BE%D1%82%D0%B7%D1%8B%D0%B2-%D0%A6%D1%8B%D0%B4%D0%B5%D0%BD%D0%BE%D0%B2%D0%B8%D1%87/8ebf917cedd40b28c05928c11fe2a1d9d5900f9b
- ↑ https://burunen.ru/news/culture/47920-sagtaa-taaruu-sagay-erkhe/