Редковский Николай Иванович

Редковский Николай Иванович
Редковский Николай Иванович
Түрэһэн һара/үдэр	1921 оной майн 21
Түрэһэн газар	Берикуль тосхон, Ижмориин аймаг, Мариинскын хушуун, Томскын можо, РСФСР
Наһа бараһан һара/үдэр	2008 оной августын 28
Наһа бараһан газар	Украин Уласай Киев хото
Хамаадал	СССР
Сэрэгэй түрэл янзань	артиллери
Алба хэһэн жэлнүүд	1939 он—1963 он
Нэрэ зэргэ	; Украин Уласай Зэбсэгтэ Хүсэнүүдэй генерал-майор
Дайн/байлдаан	Эсэгэ ороноо хамгаалгын Агууехэ дайн

Редковский Николай Иванович (1921 оной майн 21-дэ түрэһэн, Томскын можо, Мариинскын хушуу, Ижмориин аймаг, Берикуль тосхон — 2008 оной августын 28-да наһа бараһан, Украин Улас, Киев хото) — Эсэгэ Ороноо хамгаалгын Агууехэ дайнда хабаадагша, Зүблэлтэ Холбооной Баатар (1945 он). Зүблэлтэ Сэрэгэй Полковник. Украинын Генерал-майор (2008).

Намтар

Николай Редковский 1921 оной майн 21-дэ Томскын можын Мариинскын хушуунай Ижмориин аймагай Берикуль тосхондо түрэһэн намтартай. 1932 онһоо Буряад-Монголой АССР-тэ ажаһуугаа, дунда һургуули дүүргээ. Томскын хада уудын дээдэ һургуулида һураа. 1939 ондо Ажалшад-Таряашадай Улаан Сэрэгтэ алба хэхэеэ татагдаһан байна. Томскын артиллериин һургуули 1941 оной июнь һарада дүүргээ. Эсэгэ ороноо хамгаалгын Агууехэ дайнай эхинһээ — тэрэнэй фронтнуудта. Байлдаануудта хоёр дахин шархатаhан байна^[1].

1945 оной январь һарада торгон сэрэгэй капитан Николай Редковский 1-дэхи Белорус фронтын торгон сэрэгэй кавалериин 7-дохи корпусой торгон сэрэгэй кавалериин 14-дэхи дивизиин торгон сэрэгэй артиллери ба минын буугай 146-дахи полкын батарей ударидажа байгаа. Польшые сүлөөлхэ үедэ шалгарһан. Редковскиин батарей 1945 оной январиин 29-дэ Кюстринһээ урагшаа Одер мүрэниие дайлалдан гаталжа, баруун эрьедэнь плацдарм эзэлхэ ба бариха байлдаануудта эдэбхитэйгээр хабаадажа, немецүүдэй олон тоото угтан добтололгонуудые гэдэргэнь сохижо тулалдаа. Тэрэ байлдаануудта Редковский шархатаһаншье һаа, дайлалдаагаа үргэлжэлүүлһэн байгаа^[1].

СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1945 оной мартын 24-эй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэйнгээ түлөө, тиихэдээ харуулһан шэн зоригой ба баатаршалгын түлөө» торгон сэрэгэй капитан Николай Редковский Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон № 7347 дугаарай «Алтан Одон» медаляар шагнагдаһан байха юм^[1].

Дайнай дүүрэһэнэй удаа Редковский Зүблэлтэ Сэрэгтэ албаяа үргэлжэлүүлээ. 1946 ондо Офицернүүдэй дээдэ артиллериин һургуули, 1953 ондо Сэрэгэй артиллериин захиралнуудай академи дүүргээ. 1963 ондо полковнигой нэрэ зэргэтэй Редковский албанһаа нөөсэдэ табигдаа. Киев хотодо ажаһууһан ба хүдэлмэрилһэн. Украин Уласай Юрэнхылэгшын 2008 оной майн 5-най Зарлигаар Украин Уласай Зэбсэгтэ Хүсэнүүдэй генерал-майорой нэрэ зэргэ олгогдоо[2]. Тэрэ 2008 оной августын 28-да наһа бараһан ба Киев хотодо хүдөөлүүлһэн байна^[2]. Николай Редковский 2008 оной августын 28-да наһа бараһан, Киев хотодо хүдөөлүүлэгдэһэн байна^[1].

Шагналнууд

Улаан Тугай орден,
Эсэгэ Ороноо хамгаалгын Агууехэ дайнай I шатын хоёр орден,
Эсэгэ Ороноо хамгаалгын Агууехэ дайнай II шатын орден,
Улаан Одоной хоёр орден,
Богдан Хмельницкын орден (Украин Улас)
хэдэн медальнууд^[1].

Ажаглалтанууд

↑ ¹ ² ³ ⁴ ⁵ Редковский Николай Иванович (ород хэлэн). Сайт «Герои страны».
↑ Указ президента Украины от 5 мая 2008 года № 417/2008 «Про присвоєння військових звань» Архивная копия от 22 июль 2018 на Wayback Machine.

Ном зохёол

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2

[wh-1] ¹ ² ³ ⁴ ⁵ Редковский Николай Иванович (ород хэлэн). Сайт «Герои страны».

[2] Указ президента Украины от 5 мая 2008 года № 417/2008 «Про присвоєння військових звань» Архивная копия от 22 июль 2018 на Wayback Machine.

[1]

[2]