Пестерев Алексей Иванович

Пестерев Алексей Иванович
Пестерев Алексей Иванович
Түрэһэн һара/үдэр	1910 оной октябриин 2
Түрэһэн газар	Оросой хаанта Улас, Троицкосавскын тойрогой; Үбэр Байгалай можын ; Мөөрөөшэ тосхон
Наһа бараһан һара/үдэр	1991 оной сентябриин 9
Наһа бараһан газар	СССР, Украин ССР-эй; Киев хото
Хамаадал	СССР
Сэрэгэй түрэл янзань	ябаган сэрэг
Алба хэһэн жэлнүүд	1941 он—1945 он
Нэрэ зэргэ	лейтенант
Захираа	Рото, батальон
Дайн/байлдаан	Эсэгэ ороноо хамгаалгын Агууехэ дайн
Албанһаа сүлөөрэлгын һүүлдэ	1945 онһоо ;

Пестерев Алексей Иванович (1910 оной октябриин 2-то түрэһэн, Үбэр Байгалай можо, Мөөрөөшэ тосхон — 1991 оной сентябриин 9-дэ наһа бараһан, Украин ССР-эй Киев хото) — зүблэлтэ гүрэнэй сэрэгшэ. Эсэгэ ороноо хамгаалгын Агууехэ дайнай үедэ буудалгын 252-дохи дивизиин буудалгын 932-дохи полкын батальоной захирагша, ахамад лейтенант. Зүблэлтэ Холбооной Баатар.

Намтар

1910 оной октябриин 2-то, Үбэр Байгалай можын, Мөөрөөшэ тосхондо түрэһэн намтартай.

Эхин ангиин һуургуули дүүргээд, түрэл нютагайнгаа хамтын ажахыда хүдэлмэрилөө.

1933 ондо Эрхүү можын Хүдэйн-Адаг тосхон руу (мүнөө хото) зөөжэ ерээ. Тэрэ барилгын ажалшанаар хүдэлмэрилөө. 1939 онһоо — Хүдэйн-Адагай аймагай хорооной намай ажаллагшадай таһагта заабаришанаар ажаллаа. 1939 онһоо - Бүхэсоюзна коммунис (большевигүүдэй) намай /КПСС-эй гэшүүн.

1941 оной июнь һарада Ажалшад-Таряашадай Улаан Сэрэгтэ татагдаа. Үбэр Байгалай сэрэгэй тойрогой буудалгын 209-дэхи дивизиин буудалгын 770-дахи полкдо ротын бодолгын хүтэлбэрилэгшөөр алба хаагаа.

1944 оной январь һараһаа Эсэгэ ороноо хамгаалгын Агууехэ дайнай фронтнуудта буудалгын 252-дохи дивизиин буудалгын 932-дохи полкын ротын захирагшаар, удаань энэл полкын захирагшын орлогшоор, батальоной захирагшын уялгануудые дүүргэгшээр дайлалдаа.

1945 оной март һарада Дунай мүрэниие эгээл түрүүн дайлалдан гаталха зүбшөөл абажа, лейтенант Пестерев дайсанай шанга буудалга доро батальонтоёо гол гаталжа гараад, плацдарм эзэлэн абажа, тэрэнээ үргэдхэжэ эхилһэн байна. Танкда эсэргүү зэбсэггүйшье һаа, сэрэгшэд бүхы добтололгонуудые гэдэргэнь сохижо шадахаһаа гадуур, эршэмтэйгээр добтолоод, дайсанай хамгаалалга сүмэ сохижо, Чехословакиин Комарна хото руу ороһон байна. Дунай мүрэнэй шадар болоһон байлдаануудта эрэлхэг зориг харуулһанайнь түлөө 1946 оной майн 15-да Алексей Пестеревтэ Зүблэлтэ Холбооной Баатар гэһэн үндэр нэрэ зэргэ олгогдоо.

Дайнай һүүлээр Эрхүү можын Свирск хотодо заводто хүдэлмэрилөө. 1955 ондо Украинын Кировоград хото зөөжэ ошоо һэн. 1980-аад оной һүүл багһаа Киев хотодо ажаһууһан.

1991 оной сентябриин 9-дэ наһа бараа. Киев хотын Берковецэй булашада хүдөөлүүлэгдэнхэй.

Шагналнууд

СССР

Зүблэлтэ Холбооной Баатарай Алтан Одон медаль,
Ленинэй орден,
Эсэгэ Ороноо хамгаалгын Агууехэ дайнай I шатын орден
Эсэгэ Ороноо хамгаалгын Агууехэ дайнай II шатын орден
Улаан Одоной орден,
медальнууд.

Ондоо гүрэнүүдэй

Хүндэтэ легионой орден (США, 1945)

Ссылкэнүүд

Пестерев Алексей Иванович. Сайт «Герои страны».
Солдаты Победы (Иркутская область)недоступная ссылка.