Левченко Дорофей Тимофеевич

Рувикидэ иимэ обогтой ондоо хүнүүд тухай үгүүлэлнүүд бии Левченко.

Левченко Дорофей Тимофеевич
Түрэһэн һара/үдэр	1911 оной октябриин 25
Түрэһэн газар	Посуховко тосхон, Черкассай можын Уманскын аймаг
Наһа бараһан һара/үдэр	1941 оной августын 15
Наһа бараһан газар	Могилёвой можын Осиповичой аймаг
Хамаадал	СССР
Сэрэгэй түрэл янзань	ябаган сэрэг
Алба хэһэн жэлнүүд	1931—1941
Нэрэ зэргэ
Дайн/байлдаан	Хасаанай байлдаанууд (1938), Эсэгэ ороноо хамгаалгын Агууехэ дайн
Шангууд ба шагналнууд

Левченко Дорофей Тимофеевич (1911 оной октябриин 25-да түрэһэн, Украин Уласай Черкассай можын Уманскын аймагай Посуховко тосхон — 1941 оной августын 15да наһа бараһан, Могилёвой можын Осиповичой аймаг) — Ажалшад-Таряашадай Улаан Сэрэгэй капитан, Хасаан нуурай байлдаануудта (1938) ба Эсэгэ ороноо хамгаалгын Агууехэ дайнда хабаадагша, Зүблэлтэ Холбооной Баатар (1938).

Намтар

Дорофей Левченко 1911 оной октябриин 25-да Украин Уласай Черкассай можын Уманскын аймагай Посуховко тосхондо түрэһэн. Үндэһэн һургуули дүүргэһэнэйгээ һүүлдэ малшанаар ажаллаа. 1928 онһоо Алас Дурна зүгтэ ажаһуугаа, тэндээ үйлэдбэриин шабинарай һургуули дүүргээд, Улаан-Үдэдэ түмэр замай слесареэр хүдэлмэрилөө.

1931 ондо Левченко Ажалшад-Таряашадай Улаан Сэрэгтэ татагдаа, сэрэгэй албанай үедэ түрүүн полкын һургуули, удаань Эрхүүдэ ябаган сэрэгэй түр һургуули болзорһоо урид дүүргээ. Саашадаа тэрэ М. В. Фрунзиин нэрэмжэтэ Омскын сэрэгэй захирагшадай дээдэ һургуулида орожо, тэрэниие 1935 ондо нэгэдэхи зэргээр түгэсэһэн байха юм.

Алас Дурнын фронтын Далай шадарай армиин буудалгын 39-дэхи согсолбориин буудалгын 40-дэхи дивизиин буудалгын 119-дэхи полкын 2-дохи хэсэгэй захирагшаар алба хаажа байха үедөө Хасаан нуурай байлдаануудта хабаадаа.

Нэрэгүй һарьдагта оршодог совет хилын харуулай нарядта 1938 оной июлиин 29-дэ япон ротын добтолон ороһоной һүүлдэ ахалагша лейтенант Д. Т. Левченкын рото хилын харуулшадта туһалхаяа эгээл урид ерэжэ, тэдэнтэй хамта Нэрэгүй һарьдагые добтолон буляажа абаад, удаань һарьдагай оройдо окоп малтажа ороод, японтоной добтолгонуудые сохин, гэдэргэнь сухарюулжа байгаа. Тэрэ байлдаануудта Левченко хэды дахин шархатаашье һаа, саашаа дайлалдажал байгаа, ротоёо гурба дахин эгсэ добтолгонуудта бодхоогоо. Нэгэ добтолгын үедэ дайсанай долоон сэрэгшэдээр бүһэлүүлээд, тэдэнтэй гараараа тулалдажа, бултыень алаһан юм.

СССР-эй Дээдын Зүблэлэй 1938 оной октябриин 25-най зарлигаар «япон булимтарагшадтай болоһон байлдаануудта харуулһан баатаршалгын ба эрэлхэг зоригой түлөө» ахалагша лейтенант Левченко Зүблэлтэ Холбооной Баатарай үндэр нэрэ зэргэдэ хүртэжэ, тэрээндэ Лениэй орден ба 90-дэхи дугаарай «Алтан Одон» медаль барюулагдаһан байха.

1939 оной октябрь һараһаа Левченко учился М. В. Фрунзиин нэрэмжэтэ сэрэгэй дээдэ һургуулида һураа. Эсэгэ ороноо хамгаалгын Агууехэ дайнай урда тээхэнэ буудалгын полкын захирагшын тушаалаар дадал гарахаяа эльгээгдэһэн байгаа. 1941 оной август һарада, полкые бүһэлэлгэһөө гаргажа ябатараа, Белоруссиин ССР-эй Могилёвой можын газар дэбисхэр дээрэ болоһон байлдаанай үедэ алдалан унаһан юм. Осиповичскын аймагай Свислочь тосхоной Алдарай Болдог дээрэ хүдөөлүүлэгдээ.

Сэрэгэй хэсэгэй сэрэгшэдэй тобьёгто ба М. В. Фрунзиин нэрэмжэтэ Омскын сэрэгэй захирагшадай дээдэ һургуулиин 1-дэхи ротын оюутадай тобьёгто мүнхэ болзороор нэрэнь оруулагдаһан юм. Тэрэнэй нэрээр Свислочи тосхоной гудамжа нэрлэгдэнхэй, хүшөө табигданхай.

Ажаглалтанууд

Ном зохёол

• Елена Холодная. Лейтенант Дорофей Левченко // газета "Красная звезда", № 237 (4087) от 14 октября 1938. стр.3
• И. Экслер. Герои Хасана. М., Госвоениздат, 1938.
• Герои Хасана. М., 1939.
• Криченивкер Е. М. Золотые Звезды воинов Бурятии. Улан-Удэ, 1968.
• Кузнецов И. И., Джога И. М. Первые Герои Советского Союза (1936—1939). — Иркутск, 1983.
• Они отстояли мир. — Днепропетровск: Промінь, 1985.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в Российская книжная палата 87-95382