Котов Иван Михайлович

Котов Иван Михайлович
Котов Иван Михайлович
Түрэһэн һара/үдэр	1915 оной январиин 15
Түрэһэн газар	Үбэр Байгалай можын Сэлэнгын хушуунай Береговой тосхон
Наһа бараһан һара/үдэр	1995 оной майн 1
Наһа бараһан газар	Орос гүрэнэй Эрхүү можын Байкальск хото
Хамаадал	СССР
Сэрэгэй түрэл янзань	ябаган сэрэг
Алба хэһэн жэлнүүд	1936 он—1944 он (забһартайгаар)
Нэрэ зэргэ
Дайн/байлдаан	Хасаан нуур дээрэ болоһон байлдаанууд (1938),; Эсэгэ ороноо хамгаалгын Агууехэ дайн Днепр мүрэнэй түлөө тулалдаан;

Котов Иван Михайлович (1915 он — 1995 он) — Ажалшад-Таряашадай Улаан Сэрэгэй сержант, Эсэгэ ороноо хамгаалгын Агууехэ дайнда хабаадагша, Зүблэлтэ Холбооной Баатар (1943 он).

Намтар

Үбэр Байгалай можын Сэлэнгын аймагай (мүнөөнэй Буряад Уласай Кабанскын аймагай) Береговой тосхондо 1915 оной январиин 15-да түрэһэн</ref>. Һургуулиин дүрбэн анги дүүргээ. 1929 онһоо хойшо Верхнеудинск хотодо ажаһуугаа, жолоошоноор хүдэлмэрилөө. 1936 онһоо 1939 он болотор Ажалшад-Таряашадай Улаан Сэрэгтэ алба хаажа, Хасаан нуур дээрэ болоһон байлдаануудта хабаадаһан. 1941 ондо дахинаа сэрэгэй албанда татагдаа. 1942 оной август һараһаа – Эсэгэ ороноо хамгаалгын Агууехэ дайнай фронтнуудта. Сержант Котов 1943 оной сентябрь һараһаа Воронежой фронтын 40-дэхи армиин торгон сэрэгэй 309-дэхи дивизиин торгон сэрэгэй 957-дохи полкын тагнуулшан ябаһан. Днепр мүрэнэй түлөө тулалдаанда онсо шалгарһан юм^[1].

1943 оной сентябриин 23-24-эй һүни тагнуулшадай бүлэгэй бүридэлдэ байһан Котов, Киевһээ урда тээ Днепр мүрэн гаталжа, дайсанай хамгаалалта үзэхэ гэһэн тагнуул хээ. Тэрэ немецүүдэй галаар буудалгын байра усадхаад, баряанай шухала хүниие абажа шадаа. Бусаха замдаа бүлэг сэрэгшэд дайсанай отолгодо оробошье, өөһэдынгөө сэрэгэй байһан газарта хүрэжэ шадаа^[2].

СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1943 оной октябриин 23-ай Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэй түлөө, тиихэдээ харуулһан шэн зоригой ба баатаршалгын түлөө» торгон сэрэгэй сержант Иван Котов Зүблэлтэ Холбооной Баатарай үндэр нэрэ зэргэдэ хүртөө. Теэд Ленинэй орден болон №10786 дугаарай «Алтан Одон» медаль хэдэн жэлэй үнгэрһэнэй удаа өөртэнь барюулагдаһан байха юм^[1]^[3].

Котов 1944 оной августын 15-да хүндөөр шархатаад, хоёр хүлгүй үлөө һэн. Улаан-Үдэеэ бусажа ерээд, түрүүн машина-тракторай станцида механизатораар, удаань ашагта малтамал тагнан бэдэрэгшэдэй партида, һүүлээрнь хамтын ажахыда хүдэлмэрилөө. 1989 ондо Эрхүү можын Байкальск хото зөөжэ ошоһон.

1995 оной майн 1-дэ наһа бараа^[1].

1985 оной апрелиин 6-да Эсэгэ ороноо хамгаалгын Агууехэ дайнай 1-дэхи шатын орденоор болон хэдэн медаляар шагнагдаһан байна^[4]

Дурасхаал

Буряад Уласай Кабанскын аймагай Нюки тосхоной дунда һургуули Иван Котовой нэрэ зүүдэг^[5].

Ажаглалта

↑ ¹ ² ³ Котов Иван Михайлович (ород хэлэн). Сайт «Герои страны».
↑ Наградной лист в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 793756. Д. 24. Л. 71, 72)..
↑ Указ Президиума Верховного Совета СССР в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 682525. Д. 48. Л. 3).
↑ Карточка награждённого к 40-летию Победы в электронном банке документов «Подвиг народа»..
↑ Школе в Бурятии присвоили имя Героя Советского Союза Ивана Котова (неопр.). Дата обращения: 27 декабрь 2016. Архивировано 28 декабрь 2016 года.

Ном зохёол

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в Российская книжная палата 87-95382
Герои-освободители Черкасщины. — Днепропетровск: Промінь, 1980.
Днепр — река героев. — Киев, 1983.
Криченивкер Е. М. Золотые Звёзды воинов Бурятии. — Улан-Удэ, 1968.

[wh-1] ¹ ² ³ Котов Иван Михайлович (ород хэлэн). Сайт «Герои страны».

[2] Наградной лист в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 793756. Д. 24. Л. 71, 72)..

[3] Указ Президиума Верховного Совета СССР в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 682525. Д. 48. Л. 3).

[4] Карточка награждённого к 40-летию Победы в электронном банке документов «Подвиг народа»..

[5] Школе в Бурятии присвоили имя Героя Советского Союза Ивана Котова (неопр.). Дата обращения: 27 декабрь 2016. Архивировано 28 декабрь 2016 года.

[1]

[2]

[3]

[4]

[5]