Денисов Осип Андреевич

Денисов Осип Андреевич
Денисов Осип Андреевич
Түрэһэн һара/үдэр	1912 оной августын 2
Түрэһэн газар	Буряадай Мухар Шэбэрэй аймагай Подлопатки һуурин
Наһа бараһан һара/үдэр	1957 оной августын 25 (45 наһатай)
Наһа бараһан газар	Улаан-Үдэ, РСФСР, Зүблэлтэ холбоото улас;
Хамаадал	СССР
Сэрэгэй түрэл янзань	ябаган сэрэг
Алба хэһэн жэлнүүд	1934 он—1945 он (забһарлалтайгаар)
Нэрэ зэргэ
Дайн/байлдаан	Эсэгэ ороноо хамгаалгын Агууехэ дайн

Осип Андреевич Денисов (1912—1957) — Ажалшад-Таряашадай Улаан Сэрэгэй сержант, Эсэгэ ороноо хамгаалгын Агууехэ дайнда хабаадагша, Зүблэлтэ Холбооной Баатар (1945 он).

Намтар

Осип Денисов 1912 оной августын 2-то Подлопатки һууринда (мүнөөнэй Буряад Уласай Мухар-Шэбэрэй аймагта) таряашанай гэр бүлэдэ түрэһэн юм. Һургуулиин гурбан анги дүүргээд, эхэ эсэгынгээ гэрэй ажахыда ажаллаа, хожомынь колхоздо ороо. 1930 онһоо Кемерово хотодо ажаһуужа, шахтануудые барилгада хүдэлмэрилөө, хожомынь хонгил малтагша болоһон байна. 1934 онһоо 1936 он болотор Ажалшад- Таряашадай Улаан Армида алба хааһан. Сэрэгһээ табигдаһанайнгаа һүүлээр Улаан-Үдэ ерэжэ, ашаа тээгшээр ажаллаа. Денисов 1941 оной намар дахинаа сэрэгэй албанда татагдаа. 1942 оной февраль һараһаа – Эсэгэ ороноо хамгаалгын Агууехэ дайнай фронтнуудта. Баруун Хойто, Сталинградай, Калининай болон Балтиин далай шадарай 2-дохи фронтнуудай тулалдаануудта хабаадалсаа. Торгон сэрэгэй сержант Осип Денисов 1944 оной август һарада Балтиин далай шадарай 2-дохи фронтын торгон сэрэгэй 10-дахи армиин торгон сэрэгэй буудалгын 119-дэхи дивизиин торгон сэрэгэй буудалгын 341-дэхи полкын хэсэгые ударидаа. Латвиин ССР-эй газар дэбисхэр дээрэхи байлдаануудта хабаадаһан^[1].

Денисовэй ударидаһан бүлэг сэрэгшэд 1944 оной августын 4-дэ бусад сэрэгэй хубинуудһаа урид намаг соогуур ябажа, Мадоной аймагай Баркава тосхонһоо баруун хойто зүгтэ оршодог Айвиексте голдо гаража ерээ. Эгээл энэл үедэ, тэдэндэ дүтэхэн, гол гаталан, дайсанай сэрэгүүд гэдэргээ сухарижа байгаа. Харуулшанииень алаад, сэрэгшэд дайсанай онгосо эзэлжэ абаад, уһа гаталжа эхилбэ. Дайсанай бахардалгада ороод байхые һамбаашалжа, Денисов 25 сэрэгшэдые онгосоор нүгөө эрьедэ гаргаһан байна. Тэрэнэй ударидаһан бүлэг сэрэгшэд дайсанай сэрэгүүдые Айвиексте мүрэнэй баруун эрьеһээ сухарюулан, дайлалдаа хэжэ үлдэбэ. Тус байлдаанда Денисов өөрөө дайсанай 14 сэрэгшэд болон офицернүүдые хороогоо^[1]^[2].

СССР-эй Дээдын Зүблэлэй Президиумэй «Улаан Сэрэгэй захирагшадай ба юрын алба хаагшадай бүридэлдэ Зүблэлтэ Холбооной Баатарай нэрэ зэргэ олгохо тухай» 1945 оной мартын 24-эй Зарлигаар «немец булимтарагшадтай фронтдо тэмсэхэ үедөө захиралгын дайшалхы даабаринуудые жэшээтэ бэрхээр дүүргэһэнэй түлөө, тиихэдээ харуулһан шэн зоригой ба баатаршалгын түлөө» торгон сэрэгэй сержант Осип Денисов Зүблэлтэ Холбооной Баатарай үндэр нэрэ зэргэдэ хүртэжэ, Ленинэй орденоор болон №5395 дугаарай «Алтан Одон» медаляар шагнагдаһан^[1]^[2].

Денисов 1945 оной ноябрь һарада сэрэгһээ табигдаа. Улаан-Үдэ хотоёо ерэжэ, сэрэгжүүлһэн харуулай таһагай захирагшаар хүдэлмэрилһэн байна. 1957 оной августын 25-да наһа бараһан^[1].

Тэрээнһээ гадна олон ондоо медальнуудаар, тэрэ тоодо «Шэн зоригой түлөө» медаляар шагнагдаһан байгаа (11.02.1944)^[1]^[3].

Дурасхаал

Денисовэй сээжэ бэеын дүрсэ Подлопатки тосхондо тодхоогдоһон.
Денисов Осип Андреевичэй нэрээр Улаан-Үдэ хотын болон Подлопатки тосхоной гудамжанууд нэрлэгдэнхэй^[1].

Ажаглалтанууд

↑ ¹ ² ³ ⁴ ⁵ ⁶ Денисов Осип Андреевич. Сайт «Герои страны».
↑ ¹ ² Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686046/793756. Д. 626/13. Л. 38/341, 342).
↑ Приказ о награждении в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686044. Д. 4257).

Ном зохёол

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в Российская книжная палата 87-95382
Цыренов Д. М. Герои Бурятии. — Улан-Удэ. 1995.

[wh-1] ¹ ² ³ ⁴ ⁵ ⁶ Денисов Осип Андреевич. Сайт «Герои страны».

[ГСС-2] ¹ ² Наградные документы в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686046/793756. Д. 626/13. Л. 38/341, 342).

[3] Приказ о награждении в электронном банке документов «Подвиг народа» (архивные материалы Центрального архива Министерства обороны Российской Федерации. Ф. 33. Оп. 686044. Д. 4257).

[1]

[2]

[3]