Ёлко (хэмжээ ябуулга)
Ёлко (хэмжээ ябуулга) (ород хэлэн дээрэ Ёлка (мероприятие) — СССР гүрэндэ, мүнөө үеын Орос гүрэндэ болон Зүблэлтэ засагай һүүлээрхи бусад гүрэнүүдтэ үнгэргэгдэдэг үхибүүдтэ зорюулагдаһан баяр ёһололой хэмжээ ябуулга.
Хүүгэдтэ зорюулагдаһан иимэ нэрэтэй һайндэрнүүдые Бүхэсоюзна (б) Коммунис намай Түбэй Хорооной Түрын бодолгын хэсэгэй гэшүүн болохоор дэбшүүлэгдэһэн П. П. Постышевой үүсхэлээр 1935 ондо Рождествогой хасууриин орондо үнгэргэжэ эхилһэн байна.
Гүрэнэй гол ёлко
СССР-эй гол ёлко 1937 онһоо Холбоонуудай байшанай Тэбхэр жагсаалай танхимда үнгэргэгдэдэг байһан. 1953 ондо Кремль руу нүүлгэгдэһэн юм: түрүүн Кремлиин Ехэ ордондо, удаань Хуралдаануудай Кремлиин шэнэ ордондо үнгэргэгдэдэг болоһон. Энэ ёлкын баярай биледүүд hургуулиин эгээл эрхим hурагшадай дунда, мүн лэ ноёд дарганарай үхибүүдэй дунда хубаарилагдан тараагдадаг байгаа. Гүрэнэй гол хасууриин тоглолто Түбэй телевиденидэ харуулагдадаг һэн.
Ехэ хэмжээнэй ёлконууд тамирай ордонгуудта: Лужникида, Олимпиин, «Зүблэлэй Далинууд» болон бусадшье газарнуудта эмхидхэгдэдэг байгаа. Үйлэдбэриин, заводуудай соёлой байшангуудта, һургуулинуудта багахан хэмжээнэй ёлконууд болодог һэн.
Зүблэлтэ засагай үедэ Шэнэ жэлэй хасуури модонуудые гүрэнэй, партийна эмхинүүдэй, профсоюзуудай, үйлэдбэриин эмхинүүд үнгэргэдэг байгаа. Һайндэрые эмхидхэжэ байһан эмхинүүдэй олзо ба нүлөөнһөө дулдыдажа, абтаһан урилгатай хамта, энэ хэмжээ ябуулгын һайндэрэй дэлисэ ондо ондоо хэмжээтэй, үхибүүдтэ бэлэг болгон баригдадаг һайндэрэй согсолбори бэлэгүүдшье тад ондоо сэнтэй байгаа.
Мүнөө сагта Шэнэ жэлэй хасууриин баяр хаа-хаанагүй гүрэнэйшье, элдэб олзын хэрэг эрхилэлгын байгууламжануудшье эмхидхэнэ.
Жабар үбгэн - Кремлиин ёлкодо
СССР-эй түрүүшын Жабар Үбгэн 1937 ондо М. Н. Гаркави боложо наадаһан байха юм[1]. 1938 онһоо Шэнэ жэлэй гол шэдитэн С. И. Преображенский байгаа. Энэ дүрэдэ тэрэ хорёод жэлэй туршада хүдэлмэрилөө[1]. 60-аад онуудай тэн багһаа хойшо А. Л. Хвиля Жабар Үбгэн болоһон байна[1]. Зүблэлтэ Холбооной һүүлшын Жабар Үбгэн Р. С. Филиппов (һүүлшынхиеэ 1992 ондо) байһан юм[1]. Оросой түрүүшын Жабар Үбгэн Д. Ю. Назаров болоһон байна[1].
Кремлиин хасууриин баяарта мүнөө үедэ Жабар Үбгэн хэн болоноб гэжэ мэдэгдэнэгүй[1]. Албан ёһоной бэшэ мэдээсэлээр, энэ дүрэ зүжэгшэн С. М. Дужников наадана гээд хэлэгдэнэ[2], гэбэшье зүжэгшэн энээн тухай мэдээсэл огто арсадаг, юундэб гэхэдэ, өөрынь хэлэһээр, тэрэниие басаганииньшье бэлэхэнээр элирүүлэн таажархидаг[1].
Ажаглалта
- ↑ 1 2 3 4 5 6 7 Великолепная пятерка. Лучшие Деды Морозы в истории страны.
- ↑ Главный Дед мороз приедет сегодня в Москву из Великого Устюга. 2015-01-03 үдэртэ хандаһан.